「冇得解之迷」
入得呢一行
好多野都係冇得解
所以你要學識接受
只要笑。跟住我講
「知道。」
「明白。」
「理解。」
「好啊。」
但都仲有好多野係解釋唔到既。
1）「點解係我？」
突然之間會有d活動/參觀/佈置..
變左你做負責老師
「下？點解係我？」
呢句在心裡說既！
係！呢d野解釋唔到既
（我最驚既係「實習生降臨」😂）
唸得正面少少：你掂先搵你😏
2）「點解又係我？」
當你在最忙既時候。
就會好多人搵你
「麻煩__老師請到大堂聽電話。有家長搵你」
「麻煩__老師請到門口。有家長想查詢」
明明岩岩坐低想做野。突然又嗌你出去。
真係鄧都未坐暖...
「點解又係搵我？」
係！呢d野解釋唔到既！
一路行出去。我會碎碎唸😤😤
「點解又搵我？」
行到出去。我會turn on變聲mode
:「你好。我係__老師。有咩可以幫到你！」
都係果句。有d野係解釋唔到
越忙越多人堆埋1次過搵你👍🏻
3）「文具離奇失蹤」
拿！真係好神奇！
神奇神奇真神奇。
筆。會成日唔見曬。
（貼埋自己名既貼紙都會失蹤）
膠紙座。得返真係個座。冇左個膠紙
呢d野真係解釋唔到！
最慘係唔見手指。真係冇得解！
聽講學校夜晚係會有怪獸出黎食文具😨
4）「點解老師唔可以著吊帶背心短褲返工」
有得解既就係老師要建立良好既形象
唔可以性感😏
其實老師係會熱既。
但有d野真係冇得解！
話左唔得就唔得架喇！乖啦！
5）「入行前成日聽到老師唔可以篤魚蛋。所以最好唔好揀近自己屋企既幼稚園」
咩事先？點解唔食得既？
魚蛋係咩黎架？
老師係要食飯老師都中意食魚蛋既。
有d野真係冇得解！
但無論去到邊我都會食既😋
6）「點解老師唔可以染頭髮」
可能依家冇左呢支歌仔唱。
因為依家都會有老師染少少既
但我最深刻係臨畢業前。
學院要全染黑先可以出去面試。
相信當時美源髮采賺左唔少喎😏
其實形象呢樣野，唔淨係要表面架喎。
內在都好重要架嘛！
唔通媽媽染頭髮就唔係好媽媽？
所以老師染少少頭髮都可以係好老師既
我覺得最緊要唔好染到變曬色都可接受既☺️
呢個世界上好多野都冇得解
最冇得解既係
出左糧冇幾耐
點解會好似冇出過糧既？
好多野都冇得解。唔公平。
但只要做好自己。少計較。
呢份工都可以好歡欣
教育從來都唔係計邊個付出多與少
最緊要係對班孩子好既。
做多又有咩所謂？
Search